إجراءات الطلاق الاتفاقي من أجنبي

السلام عليكم
عندي سؤال كيفما كيبان من خلال العنوان، الطلاق الاتفاقي من زوج اجنبي.
انا متزوجة من واحد أجنبي و مفروقين لمدة طويلة اكثر من سنة، رفعت عليه دعوى طلاق الشقاق ولكن القاضي رفض الطلب، لان فالعنوان ديال الزوج كان نفس عنواني، ولكن هاداك هو البيت الزوجية ما عنديش عنوان اخر رغم أن الخادمة تسلمت الاستدعاء ديال الزوج. هادشي ظلم لاني انا دابا معلقة ماني مزوجة ماني مطلقة، لان علاقتي بالزوج منقطعة بالمرة ما كاينش تواصل، هو عاود تزوج فبلادو و انا هنا معلقة!
اتصلت بأحد المعارف فالسفارة ديال المغرب فبلادو و استاطعو يجيبو رقمو الجديد و حاولوا يتواصلو معاه على أساس يجي يطلقني فالمغرب لكن رفض بحجة أنه ما عندوش. الوقت لي يضيع فالمغرب، لان إجراءات الطلاق كتاخذ وقت. و انا فكرت نعمل طلاق اتفاقي.
و أسئلتي هي: واش كاين شي إجراء يقدر يعملو بدون المجئ ديالو للمغرب عن طريق السفارة المغربية في بلده كتعيين محامي مثلا او طلب إعفاء عن الحضور لجلسات الصلح؟ أو في حالة إذا غير ممكن..
واش الحضور ديالو مهم فكل الجلسات ولا غير جلسة وحدة مثلا و يوكل محامي باش يكمل باقي الإجراءات؟ و شحال ديال الوقت طلاق الاتفاقي كياخذ؟

اتمنى الإجابة على اسئلتي سريعا. جزاكم الله خيرا